曹仁超 – 台灣可能重演香港情況

六十年代,隨着越戰升級,美國同蘇聯在歐洲打冷戰,美股自1966年起停滯不前。直到1982年勝負漸分,美股牛市1982年重現。1989年六四事 件後,鄧小平到上海訪問,令長三角經濟起動,台灣廠商大量離台到長三角尋求發展,估計接近一百萬台灣人到咗長三角發展輕工業,令長三角媲美珠三角(主要由 香港廠商投資帶動),同時令台灣經濟停滯不前。香港1981年起雖然面對製造業流失,但迅速轉型為服務大中華嘅第三產業中心,令1984年至1997年香 港出現另一段繁榮期,雖然其後調整,但港人人均收入至今仍有二萬五千美元一年。
台灣九十年代至今尤其阿扁上台後,因為同大陸政府搞對抗,令台灣失去製造業,同時無法轉型為服務大中華的第三產業中心,台灣人均收入一直停滯在一萬二 千五百美元一年(只及港人一半),台灣銀行業、航運業、股票市場功能都未能受惠……。過去十多年台灣同北京搞冷戰,令台灣經濟不前,相信2008年總統大 選後可出現破冰現象。假設小馬上台後,台灣開始為中國經濟提供第三產業服務,類似1984年至1997年香港嘅情況極有可能在台灣重演。2007年係咪台 灣經濟最黑暗時刻、同時又係最光明時刻?我老曹從未踏足台灣,近期打算實地觀察,深入了解,睇睇上述台灣概念行不行,再決定明年係咪投資台灣

About the author

johnlone

行到水窮處 坐看雲起時

View all posts