這筒菲林放在MX 大半年才燒掉, 比較過去幾筒菲林沖出的相片, 明顯進步了。色彩與質感的水平固然是提升了, 最重要是看到構圖用光等都有進步, 而且感覺還比我的數碼照片好得多！我相信, 一來是菲林及專業沖印的功勞, 而且用菲林機拍照時, 更為用心, 更加小心, 這更是主要的因由。另外, 我對餅干鏡 M 40 / 2.8 愈來愈著迷, 放在mx 上 是不捨得除下了！反而另一支銘鏡級的手動鏡, A50 1.4 給打入冷宫。所以鏡頭的出勤率與其級數的關聯不大, 最重要是其操作與焦段是否合用！ Camera: Pentax MX Lens: M 40mm F2.8 Film: Fuji Superia 200 Post-process: Nil
Browsing Posts published in December, 2006
曹仁超 – 老生常談
December 14, 2006
No comments
溝上唔溝落。如你手上嘅投資已略有損失，千萬不可加注。
學習「無良」嘅外籍僱傭兵（只幫打贏嗰邊去打仗），如趨勢向上便做好友，一旦趨 勢向下便做淡友，唔好立場死硬。
資本分兩種，有形嘅一種係金錢，無形嘅一種叫智慧。如你只擁有金錢而冇智慧，遲早喺投資市場輸死；如你只擁有智慧而冇 金錢，你只係一名好好嘅講者。成功投資者不但擁有金錢，同時擁有智慧，缺一不可。世上金錢易得，智慧難求。四、唔好希望低價買入、高價賣出，上述方法冇人 可以做得到，應該係「高價買入，低價賣出」！（高價係指股價由低位上升10％到15％之後，即寧買當頭起；低價係指股價由高價回落10到15％之後，即賣 出當頭跌嘅股份）。
升市莫估頂，跌市勿猜底，因為你永遠唔知頂喺哪裏及底响何方。
永遠買入強勢股、沽出弱勢股。喺股市中應鋤弱扶強，唔係鋤強扶弱。
利用基本 因素去分析事物，利用技術分析去決定買賣時刻。
盛衰循環乃不易道理，經濟周期進入興盛期，不妨大手D吸納；當經濟上升周期進入尾聲之時，小注可怡情。
了解群眾、追隨群眾，最終係同群眾對着幹。當群眾哭泣、上街抗議之時，乃入市時機；當群眾歡呼之時，乃出貨時機。當中區大塞車之時，亦係出貨好日子。
福無雙至，禍不單行。跌市來之時往往狂風掃落葉，唔會陰風細雨（It never rains but pour）！
止蝕要快（例如虧損10％或以上立即行動），有錢賺不妨滋油淡定慢慢來，賺盡佢，只有年輕人才慌死賺唔切。
紙上談兵易、行軍遣將 難。嗰D教你「如何賺取一億元」嘅書千祈唔好睇（通常都係紙上談兵）。
濕地公園
December 9, 2006
No comments
上週一小弟牛一, 放自己假攤抖一日, 見天氣幾好, 即興到濕地公園遊園睇雀兼影下相。一點幾係荃灣出發, 撘西鐵到天水圍站唔駛半個鐘, 轉的士20蚊唔駛就到公園入口。老友鬼鬼30蚊(成人)全日任睇, 可惜我地得3個鐘唔夠o既時間, 一入到去, 雖然見到好多室內展館, 但怕唔夠時間行濕地, 惟有skip晒, 直踩出outdoor. 果然, 星期一o黎係一個明智o既決定,個日園內人數都唔少, 可想而知, 星期六日o既情況會係幾咁墟陷!! Photo taken by Pentax DS + DA14-45mm + DA 50-200mm PS Post-process: Raw conversion / Level / Curve / channel mixer / color filter , resize + USM
全輯相片
曹仁超 – 推介投資越南股市
December 9, 2006
No comments
IMF估計，今年越南FDI達九十億美元，較去年上升31.7％（以人均計，越南FDI相等於今天中國）。越南政府打算2010年脫貧（即人均收入打破 一千美元一年），估計未來四年越南股市每年升幅達20％至30％。今天越南胡志明股市只有四十九間上市公司，一天成交額六百六十萬美元（泰國有四百八十五 間上市公司，一天成交三億一千四百萬美元；中國有一千三百八十一間上市公司，市值六千四百億美元）。美林及UBS最近獲發越南投資牌照，鄧普頓基金公布計 劃投資越南。估計目前越南只有二十萬個投資者，佔總人口0.25％。越南一如中國，有許多海外越南人每年款回國，達七十億至八十億美元。越南應該係另一 個新興市場！ 過去十年越南GDP平均增長率達7.2％，估計未來五年可達年增長率7.5％至8％，工作人口年增長率2.3％，以及明年有大量新股上市，數目超過五十間。如各位有興趣，可向豐環球資產管理部查詢點樣到越南認購新股，相信未來五年獲利一倍機會好大。
曹仁超 – 中國醫藥產業, 回報難望, 風險難測
December 9, 2006
No comments
中國醫藥產業1978至2005年工業產值每年平均增長16.1％，經濟效益不斷提高，但海外醫藥投資機構考察完後，冇人願意入股，原因何在？ 首先，中國 醫藥產業係傳統產業，附加值不在於產品，而在於產品銷售渠道、管理體系及同政府關係。上述過程非常複雜，外人難以了解，即使擁有成功產品，最少要五至十年 才能見效，投資回報期太長，而風險往往事前難以計算。其次，中國政府醫藥政策與國外差距好大。境外（例如美國），開發一種新藥從概念到第三期臨床試驗，通常要五、六年時間，投入資金約一億多美元，拿到 美國FDA認證後，其他已唔使擔心，如非大藥廠以市值十億美元收購，便是代為推廣新藥，一年賺佢一億幾千萬美元。中國，即使拿到國家藥監局認證，新藥仲 係賣唔出去，要打進醫保目錄、醫院，仲要讓醫生了解呢種新藥功能，過程太繁雜，牽涉政府個別部門關係千絲萬縷。即使擁有良好新藥，如關係搞唔好，一樣 賣唔出去。家決定售新藥生死權係公立三甲醫院，其產權都政府手中，不但體制落後、管理體系複雜，而且貪污嚴重。佢地決定係咪接受一種新藥，並非按藥 「成效」，而係講「關係」，反而唔及醫療器械更容易打入中國公立三甲醫院（通常一年時間已可辦到）。藥品要打入公立三甲醫院通常需三到五年，仲要睇你認識 邊個而定，因此外界醫療投資者唔願涉足中國醫藥股，形成內地醫藥股投資不足。
