緣起 今日讀到一則政治花邊新聞:

曾 因「Try my best」一舉成名的陳克勤，發言時對方案褫奪了現時制度下，委任區議員可互選產生一名立法會議員表示不滿。但他將褫（音：雌）奪，讀成了「遞奪」。而唐 英年正好沒有聽清問題，陳克勤正欲再發言之際，立法會主席曾鈺成為免黨友再「出醜」，主動幫其重複問題，並指正陳克勤的讀音錯誤。 身為主席的曾鈺成處事方式一視同仁，在糾正了黨友的發音後，馬上「提醒」民主黨主席何俊仁在昨早發言時，亦將「飭令」的「飭」（音：斥）讀成「勒」。不過主席仍未「夠喉」，及後他又糾正工聯會的王國興將「重蹈覆轍」的「蹈」（音：度）讀成「滔」，引來滿堂大笑。(信報 2009年11月19日)

剛巧我正在讀陳雲的《中文解毒》，興起了這個念頭，輯錄一個正字正音表，既是讀書筆記，亦作網摘之用，以後再慢慢增補。 正字正音表

正寫 (俗)寫 /(錯)寫 / 錯(音)
正音 按語
褫奪 (音)「遞」奪 褫(雌)奪 莫講話讀, 寫都未必識!
飭令 (音)「勒」令 飭(叱)令 唔怕話你知, 我一直都以為係讀"勒"令。我好肯定咁多年無線d古裝劇人物都係咁讀!
重蹈覆轍 (音) 重「滔」覆轍 重蹈覆轍 大佬, 我細個嗰時都係讀蹈(音:悼)。 係唔知幾時開始，電台電視台玩正音，讀作「滔」，依家又‧‧‧  ~_~
斡旋 (音)「幹」旋 斡(挖)旋 原來係讀"挖", 但係點解我以為係讀"周"呢?
撚 (俗)門 + 能 撚 nan2 依個好多人都識
屄 (俗)閪 屄 hai1  
屌 (俗)門 + 小 屌 diu2  
鳩 (俗)門 + 九 鳩 gau1 kau1 係異讀音，正讀係gau1。所以"斑鳩" 係讀做斑gau1. 新聞報導將現任前日本首相鳩山由紀夫讀作'kau1'山由紀夫其實係錯GE!!
昨 (音)作 昨 zok6 工'作', '昨'天, 一向我都係讀同一個音(作 zok3). 其實昨天個昨應該係第六聲, 音同鑿.
夯   夯 haang1 音“坑” 。解“用來敲打地基，使其結實的工具。如：「木夯」﹑「石夯」﹑「鐵夯」” 見今日(20100105)信報一則新聞“…今年的一號紅頭文件，題為〈中共中央、國務院關於加大統籌城鄉發展力度，進一步夯實農業農村發展基礎的若干意見〉。其討論稿…”
邯鄲學步   邯 hon4 鄲 daan1 音'汗單' 慚愧! 咁多年我其實係唔識讀依個成語!!
陰騭 (俗)陰「質」 騭 zat1

《周書‧洪範》 “‧‧‧箕子。惟天陰騭下民‧‧‧” 原來係褒詞，解暗地裏施恩於人。粵語「陰騭」一詞則取反義。
起錨 (音)起laau4 錨 maau4 曾特首為推動市民支持政改方案的宣傳運動以'起錨'做口號。查「錨」正音應為maau (音：矛)，異讀音為NAAU4，但大多數人都會有懶音,錯讀為laau4。