信報 2008-11-01 過去歷史低位必需Re-Test。10676點必須面對考驗，企得住再算。通常需要五至七星期。即五到七星期內恒指唔再創新低，10676點先算係強力支持；即最早明年1月，最遲明年3月先知道本周10676點係咪見底（只有1987年10月股災，Re-Test喺三十四個交易天後便出現）。投資者唔使估底，只需等候Re-Test便可。如喺五至七星期內恒指低於10676點，即最近幾天只係一次強力反彈。有咗呢個武器，你便唔使加入估底行列。
Browsing Posts tagged 曹仁超
曹仁超 投資者日記: 如何確認市底
November 2, 2008
No comments
曹仁超- 投資者日記: Bottom Up Top Down Strategy
October 17, 2008
No comments
信報2008-10-16 2006年年初已睇淡，便錯過去年大牛市帶嚟嘅風光；最叻嘅人喺去年10月先睇淡！同樣理由，太早睇好亦係死罪。我老曹曾喺1974年7月開始睇好，但恒生指數喺1974年12月先見底，太早睇好代價係冇咗當年我老曹80％本金。因此恒指見底回升由得佢，直到第二個底高出第一個底為止（所謂Bottom Up）；恒指見頂亦由得佢，直到第二個頂無法高出第一個頂為止（便叫Top Down）。唔好忘記旺市莫估頂及淡市莫估底嘅格言。 第一個底由拋空者平倉造成（例如2002年10月美股），日後唔再低過呢個底才確認牛市出現（例如2003年4月）；反之，未來日子如創新低，便代表熊市繼續，反彈只係另一隻熊腳。到底上周五係底定係熊腳？等股市自己話畀大家知。如你一味想摸底，咁又點持盈保泰？我老曹冇水晶球，所以亦唔知幾時見底；只知一浪低於一浪要出貨（Top Down），一浪高於一浪才入貨（Bottom Up）。
投資四忌 獲取財富五道
September 13, 2008
No comments
曹仁超 – 投資者日記
2008年9月13日, 星期六
投資四大忌：一、响牛市中過分保守。二、响熊市中過分進取。三、Time the market。四、錯信股票經紀或投資顧問。為針對上述缺點，响牛市中記住七三分（70％資金投入股市），响熊市中三七分（30％資金投入股市），唔好尋 頂同埋尋底。唔好信人只可信自己。Get wise, Get wealthy and get healthy。人年紀大咗應該聰明咗、富有咗同時保持健康，上述方法可以防止你太進取或者太保守，亦唔需要Time the market。
一 旦熊市形成，減持至30％股票，雖然有所損失，但仍然有70％現金响手，令你安心快樂。牛市形成，則改為70％投資股票，仍有30％現金在手，可令人聰明 及有智慧，不但心平氣和，同時可安享自己嘅消閒時間。中秋已到，朋友，你快樂嗎？
獲取財富之道：A、記住資產分配程式（Asset Allocation Model），牛市七三分、熊市三七分。B、嚴守止蝕唔止賺。虧損15％要注意，虧損20％便止蝕。C、唔好過分分散、唔好過分集中，最多揸十隻八隻，最 少揸四隻、五隻股份已經足夠。D、時間响自己嗰一邊，如用五年、十年、二十年，而唔係希望一朝發達。E、如非專業，每天花二十分鐘响自己投資分析上面已經 足夠，唔好一曝十寒（心情唔好便唔理），亦唔可以埋頭埋腦（我老曹朝十晚十係因為我老曹有份工，明年退休後，每日只花二十分鐘就已足夠）。
曹仁超 – 投資者日記: 長波理論
April 19, 2008
No comments
長波理論有助分析中長線作為長線投資者，最重要係找尋真正嘅底同真正嘅頂，尤其係房地產，因為買賣比較困難兼佣金大（例如英國佣金係樓價3％，一出一入已唔見6％）。呢方面可參考周期理論，股市有最著名嘅二十四個月周期及四十個月周期，兩者重疊高峰期係2007年第三季，低潮係2008年第四季；下一高峰期係2010年第一季。 換言之，長線客應在响去年第三季出貨、 2008年第四季入貨、2010年第一季再出貨。六十年長波理論用於分析債券最有用，上一個利率高峰期係1980年，低潮响2008年年中，即我地正進入利率低潮期。2008年下半年到2030年第四季係利率向上期，我地正處低利率期，估計响今年6月至8月見底，然後進入長達二十二年嘅利率上升期。至於商品價格上一個低潮係1996年，由1997年開始至2010年第一季係商品價格上升周期，然後又回落。 對長波理論有認識（唔係波浪理論）有助分析中長線，呢方面嘅權威係「Foundation for the study of cycles」。七十年代後期我老曹開始接觸，由於長波理論以「季」為單位，同近年流行嘅短命分析格格不入，响分析界唔太流行。 事實證明，長波理論協助我老曹捕捉到英國樓市低潮同高潮，同時捕捉到2000至07年嘅商品價格上升周期（理論上2010年第一季才見頂），以及2007年10月恒生指數見頂回落……。如各位做長線投資，長波理論十分有用，請減少睇嗰D短命分析。
曹仁超 – 投資者日記: 水車投資法
August 29, 2007
No comments
今日曹sir講解結合o左牛熊理論、移動平均線及價值投資法o既所謂'水車投資法'，依個方法易明又易操作，實在不得不做筆記，只好一連兩日作文抄公。
一般投資者不宜過分注重timing，而應將注意力放係stock picking 上。其次係利用「水車投資法」，即p/e 係8至12倍之時全部資金入市；12倍到16倍時70％資金入市；16倍到20倍時50％資金入市；一旦高出20 倍，只留30％市場。
過分強調timing，結果只係High Risk, Few Rewards。
有D危機事前十分明顯，只要細心已可避過，例如1987年10月股災前、1997年8月亞洲金融風暴前、2000年3月科網股泡沫爆破，如只用水車投資法（p/e 20倍以上時只投入資金 30％），損失有限。
我老曹十分失望係，仲有人認為250天移動平均線係牛熊分界線。……移動平均線理論中並冇牛、熊市，牛、熊市係根據道氏理論，即牛市分三期、熊市分三期，呢個已係1900年前理論，近代已被人一再質疑。現代經濟咁複雜，股市係咪仲存在牛、熊市？
過去35年我老曹研究移動平均線經驗係：A、牛市一期恒生指數唔會跌穿250天線。B、牛市二期恒生指數經常跌穿250天線，每次跌穿250天移動平均線不但唔係出貨訊號，反而係入貨訊號。C、只有牛市三期恒生指數跌穿250天線，才係牛市死亡訊號。
結合道氏理論如下：A、牛市一期P/E 8至12倍時，恒指應唔會跌穿 250天線。B、牛市二期P/E 12到16倍，恒指跌穿250天線係入貨訊號。C、牛市三期P/E 18到22倍，跌穿250天線才應小心。1997年8月同 2000年3月恒指都係22倍以上，牛市三期十分明顯。2003年4月恒指回升至今，未見22倍以上（反之，國企指數已在22倍之上，國企股已進入牛市三期，即瘋狂上升期，開始唱《夕陽之歌》）。
畢非德投資策略：一、買D有競爭優勢公司，例如擁有一個品牌、一組良好管理人才，或別人不易取而代之地位。二、買入D市價仍未顯示內在價值既公司（森池兄最叻搵呢類公司）。三、買入後股價如上升20％，便應長期持有。
提外話：今日曹sir 仲有提到'啤打系數'，beta coefficient 同移動平均線, 保力加通道bollinger band,….等等都係技術分析派從統計學中'盜用'的，為求操作方便，又簡化又ignore好多統計模型的許多計量測試。因此，依d技術分析指標o既可信性是極之不穩 – 時準時唔準。個人意見: 可以用但不可盡信。
